<Car>改 裝 熱 玩 東 京 獨 家 轟 　 本 田 街 飛 熱 改 元 祖 FEEL'S Civic Type R FD2

Honda 車 一 向 最 多 人 改 ， 專 門 改 裝 商 自 然 多 不 勝 數 ， 不 過 香 港 車 迷 第 1 時 間 只 會 想 起 Mugen 及 Spoon ， 頂 多 識 埋 近 年 冒 起 得 最 快 的 J's Racing 。
但 其 實 Honda 改 裝 高 手 仲 有 大 把 ， 講 歷 史 悠 久 、 日 本 本 土 又 勁 受 歡 迎 的 ， 還 有 25 年 歷 史 的 FEEL'S Honda Twincam Works 。
雖
然 在 香 港 街 上 只 會 偶 爾 見 到 一 、 兩 部 Honda 車 會 貼 上 FEEL'S 招 牌 logo 大 拉 花 ， 但
有 睇 開 日 本 改 裝 天 書 《 HYPER REV 》 ， 就 知 逢 係 Honda 系 列 都 一 定 有 FEEL'S 示 範
改 裝 ， 戰 車 圈 速 更 例 必 在 前 5 名 ， 其 改 裝 技 術 有 多 高 已 經 不 用 多 說 。
趁
Civic Type R FD2 在 港 逐 漸 普 及 ， 改 裝 風 氣 初 起 ， 《 搵 車 快 線 》 便 專 誠 到 神 秘 的
日 本 東 京 都 FEEL'S 基 地 ， 一 試 其 改 裝 威 力 ， 好 讓 Honda 車 迷 多 一 個 改 裝 選 擇 ！


今 次 到 FEEL'S 東 京 都 基 地 試 的 辣 改 版 FD2 ， 早 前 就 在 筑 波 賽 車 場 創 下 1 分 4 秒 紀 錄 ， 圈 速 拍 得 住 新 款 Evo. X 。




很
多 香 港 人 改 車 見 多 人 用 甚 麼 就 人 人 跟 住 改 ， 很 多 時 根 本 沒 有 想 過 適 不 適 合 自 己 ， 更
沒 有 想 過 是 否 還 有 更 好 的 選 擇 。 其 實 Honda 車 迷 常 用 的 改 裝 品 牌 也 各 有 性 格 ，
Honda 直 屬 改 裝 商 Mugen 的 parts 就 以 穩 陣 可 靠 見 稱 ， 但 street-use 部 品 通 常 驚
喜 不 大 。 Spoon 及 J'S Racing 就 屬 激 進 一 類 ， 用 賽 車 技 術 改 街 車 ， 改 完 未 必 適 合
日 常 。 至 於 FEEL'S 的 改 裝 風 格 就 屬 於 這 兩 類 之 間 ， 一 句 到 尾 就 是 街 飛 類 改 裝 ， 平 時 代 步 唔 辛 苦 ， 要 飛 車 又 足 以 落 track day ， 筆 者 就 覺 得 非 常 適 合 香 港 車 迷 要 求 ， 在 港 一 直 沒 有 代 理 實 在 可 惜 。
日 本 汽 車 雜 誌 《 Honda Style 》 ， 今 年 特 別 找 來 FEEL'S 的 FD2 及 美 版 的 Civic Si Coupe 改 裝 車 製 成 了 一 隻 賽 車 DVD 。



在 DVD 內 負 責 試 車 的 是 日 本 的 星 級 GT 車 手 織 戶 學 及 谷 口 信 輝 ， 兩 人 試 車 都 大 讚 FEEL'S 改 得 勁 ， 整 體 比 原 裝 性 能 有 20% 以 上 增 長 。



FEEL'S 街 車 王
雖 然 FEEL'S 改 車 唔 算 最 激 ， 亦 唔 活 躍 鬥 車 ， 只 係 耐 不 耐 玩
日 本 Super Taikyu 耐 力 賽 同 亞 洲 房 車 賽 。 但 講 改 街 車 佢 最 出 名 ， 由 80 年 代 的 第 3
代 「 電 視 機 」 Civic 及 第 1 代 Prelude 、 City 已 開 始 改 Honda ， 歷 史 仲 耐 過
Spoon ， 在 日 本 改 裝 界 亦 屬 人 人 景 仰 的 叔 父 輩 。 最 出 名 係 改 Honda 車 款 夠 齊 、 部 品
種 類 夠 多 ， 除 街 飛 至 愛 的 Civic 、 Integra 及 Accord 外 ， 連 K-Car Beat 仔 到 國 寶
NSX 都 開 發 出 大 量 改 裝 零 件 ， 而 且 更 不 限 於 日 本 本 土 車 款 ， 改 出 口 版 Honda 亦 都 非
常 耍 家 ， 在 美 國 甚 受 歡 迎 ， 總 之 係 Honda 車 都 大 把 改 。
響 朵 FEEL'S demo car
一 直 專 注 辣 改 Honda 的 FEEL'S 無 論 由 細 到 K-Car 以 至 國 寶 級 跑 車 NSX 都 大 改 特 改 ， 以 下 4 部 便 是 佢 多 年 來 經 典 作 品 。

1 萬 轉 Beat 仔
FEEL'S
對 改 裝 Honda K-Car 一 向 情 有 獨 鍾 ， 特 別 為 Beat 仔 開 發 的 parts 多 不 勝 數 ， 不 只
有 1 萬 轉 racing 電 腦 、 大 包 圍 ， 堅 到 就 連 接 近 80 匹 馬 力 的 660c.c. 3 缸 Beat 仔
complete engine 都 有 。




N 組 DC2
為 增 加 知 名 度 ， 90 年 代 中 期 FEEL'S 積 極 玩 賽 車 ， 這 部 FEEL'S DC2 就 是 當 年 贏 盡 東 南 亞 N 組 賽 事 戰 車 ， 從 賽 事 到 的 經 驗 及 技 術 ， 亦 開 始 投 放 在 街 車 ， 如 當 年 B18C 引 擎 的 rom tune 電 腦 就 最 受 歡 迎 。




Time Attack EK9
FEEL'S
最 輝 煌 年 代 的 便 是 Honda B 系 引 擎 的 年 代 ， 當 年 FEEL'S 便 憑 這 部 EK9 打 響 名 堂 ，
B16B 引 擎 改 至 2,000c.c. ， 頭 轆 車 馬 力 有 250 匹 ， 曾 於 多 條 日 本 賽 道 創 下 Civic
最 快 圈 速 。




VTEC 加 NOS
有
睇 開 日 本 改 裝 DVD 《 Hot Version 》 一 定 會 見 過 這 部 FEEL'S S2000 ， 引 擎 由 原 來
2,000c.c. upgrade 至 2,300c.c. ， 車 內 更 設 有 NOS 氮 氣 加 壓 隨 時 加 馬 ， 馬 力 是 勁
誇 的 370 匹 。




速 改 FD2
由
新 宿 駕 車 約 30 分 鐘 前 往 FEEL'S 於 東 京 都 杉 並 區 的 本 店 ， 沿 途 都 是 靜 英 英 的 民 居 ，
完 全 沒 有 想 過 會 有 改 裝 店 ， 還 幸 在 小 山 坡 之 上 一 幢 3 層 高 白 色 建 築 物 拉 上 藍 色 大
logo 招 牌 ， 果 然 沒 去 錯 地 方 ， 而 且 凶 神 惡 煞 的 重 改 FD2 已 放 在 門 前 等 待 試 飛 ， 究
竟 這 部 曾 經 在 筑 波 賽 道 由 車 手 菊 池 靖 造 出 快 原 裝 車 超 過 5 秒 圈 速 的 street-tune 戰
車 有 幾 激 ？ 今 次 在 交 通 不 甚 繁 忙 的 街 道 測 試 ， 就 最 能 體 會 ！
FEEL'S FD2 的 內 籠 並 沒 有 如 Spoon 的 改 裝 車 般 大 幅 拆 空 偷 輕 ， 除 了 盤 、 賽 車 桶 凳 及 波 棍 之 外 ， 依 然 保 留 原 裝 車 所 有 設 備 。

前 座 換 了 一 張 FEEL'S bucket seat ， 屬 真 正 賽 車 用 的 固 定 式 ， 椅 背 及 腰 部 均 沒 有 調 校 功 能 。



內 徑 經 過 打 磨 的 蝴 蝶 掩 ， 口 徑 比 原 裝 大 15% ， 直 接 令 引 擎 入 氣 量 增 加 。



FEEL'S 鈦 合 金 死 氣 喉 配 低 阻 力 催 化 ， 可 以 保 留 到 低 轉 扭 力 ， 5,000 轉 打 後 亦 可 以 提 高 輸 出 。



唔 玩 MK 樣
未 開 車 先 睇 樣 ， FEEL'S FD2 車 身 每 個 部 分 都 裝 晒 大 包 圍 ， 最 eye catching 就 是 那 個 有 散 熱 孔 道 的 輕 量 化 碳 纖 頭
（ 比 原 裝 輕 近 40% ） ， 款 式 和 Mugen 那 個 都 一 樣 屬 於 低 調 款 ， 而 為 增 加 外 形 美 觀 度
， FD2 在 四 個 車 輪 拱 上 更 增 設 了 沙 板 眉 、 尾 翼 換 了 碳 纖 款 及 在 尾 翼 兩 旁 加 設 擾 流 翼
， 鬼 面 罩 就 將 原 來 大 大 個 紅 色 Honda 章 拆 去 ， 全 車 包 圍 design 勁 在 並 非 如 Spoon
款 的 誇 張 「 飛 仔 」 style ， 反 而 是 在 原 裝 設 計 的 每 個 位 都 輕 手 執 一 執 就 完 全 變 樣 兼
辣 過 賽 車 ， 感 覺 唔 只 冇 MK 化 ， 更 加 令 FD2 高 級 唔 少 ， 仲 有 少 少 同 廠 Accord Euro
R 氣 派 。
再 打 開 車 門 ， 1 張 FEEL'S full bucket seat 已 換 到 司 機 位 ， 繼 而 連
盤 、 波 棍 及 安 全 帶 都 換 了 racing 產 品 ， 中 控 台 位 就 有 4 隻 Defi 電 子 儀 表 （ 油 溫 、
水 溫 、 油 壓 、 電 壓 ） 及 1 個 lap time 計 ， 好 明 顯 是 為 之 前 筑 波 Time Attack 而 設
。 特 別 的 是 全 車 沒 有 防 滾 架 ， 後 座 、 冷 氣 又 完 全 冇 拆 ， 街 車 模 樣 卻 能 有 賽 車 表 現 ，
認 真 難 得 ！




醒 玩 整 體 改
原
裝 FD2 講 power （ 225 匹 ） 同 級 頭 轆 車 未 逢 敵 手 ， 所 以 FEEL'S 的 demo car 也 沒 有
盲 目 追 求 馬 力 ， 而 是 玩 更 堅 的 整 體 平 衡 ， 飛 也 飛 得 安 全 好 玩 ， 才 是 FEEL'S 的 改 車
宗 旨 。 整 部 FD2 提 升 馬 力 最 多 的 parts 只 有 ECU 、 大 蝴 蝶 掩 及 內 徑 經 過 打 磨 的 鈦 合
金 雙 出 喉 連 催 化 ， FEEL'S ECU 特 點 是 重 新 編 寫 過 引 擎 的 點 火 時 間 、 空 燃 比 及 燃 油
噴 注 量 ， 如 Mugen 的 N 組 賽 車 電 腦 ， 沒 有 將 全 部 馬 力 集 中 在 高 轉 的 偏 激 ， 而 是 著 重
整 體 的 日 用 性 ， 所 以 連 埋 那 套 口 徑 達 115mm 的 鈦 合 金 死 氣 喉 ， 都 不 過 約 有 30 匹 馬
力 增 長 ， 而 催 化 更 不 是 污 染 環 境 的 中 空 「 假 狗 」 ， 而 是 符 合 車 檢 的 低 阻 力 款 。
FEEL'S 暫 未 為 FD2 的 引 擎 內 部 作 改 裝 ， 只 有 碳 纖 引 擎 作 裝 飾 ， 但 右 邊 有 碳 纖 盒 包 的 racing 電 腦 已 能 將 power band 加 闊 及 VTEC 時 更 爆 ， 前 面 的 賽 車 細 電 池 亦 可 輕 量 化 。

部 車 有 1 千 匹 都 好 ， 冇 彎 你 搵 土 屋
都 一 樣 飛 唔 起 ， FEEL'S 深 明 此 道 ， 部 demo car 就 換 了 套 倒 fork 絞 牙 避 震 機 ， 避
震 機 前 後 均 設 12 段 軟 硬 調 校 ， 特 點 是 調 校 範 圍 夠 大 ， 落 track 行 街 都 可 以 同 時 兼
顧 ， 而 非 其 他 racing 避 震 機 一 味 玩 硬 。 講 迫 力 ， FD2 原 裝 有 夠 收 Brembo ， 想 好 收

就 有 FEEL'S 的 carbon 系 列 迫 力 皮 ， 工 作 溫 度 為 150 ℃ 至 750 ℃ ， 即 是 踩 極 都 未 腳
軟 。 去 到 冷 卻 呢 part ， 指 定 有 FEEL'S 雙 層 式 銻 水 箱 ， 更 有 SAMCO 特 製 矽 膠 上 下 水
喉 及 68 ℃ 低 溫 水 膽 ， 而 和 其 他 如 Mugen 或 J'S Racing 比 ， 強 化 上 下 水 喉 為 3 層 式
比 其 他 牌 子 多 了 1 層 ， 爆 水 喉 危 機 近 乎 零 。
熱 改 FD2 取 向 各 不 同
除 今 次 介 紹 呢 部 FEEL'S FD2 ， 其 實 現 時 仲 有 唔 少 改 裝 商 有 自 家 FD2 demo car ， 其 中 以 下 4 部 就 最 出 位 ！




矜 貴 孖 R
全
球 限 量 300 部 ， 由 Mugen 限 量 生 產 ， 全 車 換 齊 Mugen 料 ， engine 部 分 經 重 新 平 衡
並 換 入 Mugen valve 彈 弓 ， 最 大 馬 力 235 匹 ， 新 車 售 價 高 達 60 萬 。




爆 轉 Spoon
引
擎 轉 速 高 達 8,700rpm 的 Spoon FD2 ， 電 腦 經 過 重 新 編 寫 ， 引 驚 馬 力 增 加 15 匹 ，
VTEC 啟 動 由 5,400 轉 推 前 至 5,200 轉 ， 更 大 幅 輕 化 ， parts 開 發 如 L.S.D 、 死 氣
喉 等 一 應 俱 全 。

最 誇 J'S Racing
最
racing 化 改 FD2 的 改 裝 商 便 有 J'S Racing ， 改 裝 parts 大 部 分 以 落 track 為 主 ，
賽 車 電 腦 、 直 出 式 鈦 合 金 死 氣 喉 、 power lock 樣 樣 齊 ， 連 車 身 包 圍 都 勁 誇 張 ，
demo 車 改 齊 後 最 大 馬 超 過 250 匹 。




大 馬 5 ZIGEN
純 鬥 大 馬 ， 5 ZIGEN 這 部 FD2 一 定 最 癲 ， K20 引 擎 大 改 至 2,400c.c. ， 用 埋 最 pro Motec M800 行 車 電 腦 ， 引 擎 馬 力 大 到 280 匹 ， 佢 出 街 四 驅 turbo 都 要 行 埋 一 邊 。
車 身 各 部 亦 有 輕 量 化 ， 不 單 頭 、 尾 翼 及 包 圍 比 原 裝 更 輕 ， 整 個 尾 亦 是 纖 維 製 ， 拆 除 了 尾 燈 反 光 板 及 後 波 燈 部 分 。



街 道 爆 轉 轟
講 到 改 得 咁 勁 ， 當 然 要 試 轟 番 轉 ， 經 FEEL'S 負 責 人 椿 谷 千 春 先 生 協 助 ， 筆 者 便 跳 上 車 扭 匙 車 ，
車 後 部 車 與 原 裝 車 無 異 ， 只 是 套 鈦 合 金 死 氣 喉 把 聲 響 少 少 ， 踩 幾 腳 空 油 ， 再 望 望 個
轉 數 ， 怠 速 穩 定 地 停 留 在 800 轉 左 右 。 推 入 1 波 駛 出 路 口 ， 張 bucket seat 包 到 個
人 實 一 實 ， 出 到 大 路 難 得 前 面 400 米 範 圍 內 都 冇 車 ， 即 時 2 波 爆 上 8,500 轉 ， 頭
4,000 轉 其 實 和 原 裝 分 別 不 大 ， 但 5,000 轉 打 後 部 FEEL'S FD2 便 正 式 料 ， 到 VTEC 一 開 爆 炸 力 最 少 比 原 裝 堅 20% ， 上 到 紅 區 都 未 跌 watt ， 轉 上 3 波 再 試 試 ， 度 力 似 接 住 去 ， 不 過 望 一 望 個 表 原 來 已 挨 住 半 ， 即 時 縮 油 慢 慢 行 。
原 裝 單 層 水 箱 換 了 FEEL'S 的 雙 層 式 銻 水 箱 ， 厚 度 增 加 了 約 10mm ， 散 熱 效 能 高 原 裝 約 15% 。



由 SAMCO 代 製 的 3 層 式 矽 膠 上 下 水 喉 ， 比 街 賣 的 SAMCO 多 1 層 矽 膠 ， 承 受 壓 力 的 能 力 更 高 。



FEEL'S 的 絞 牙 避 震 機 分 正 立 及 倒 立 2 款 ， 但 一 樣 有 獨 立 12 段 軟 硬 調 校 ， 而 且 一 律 附 設 合 金 塔 頂 及 有 setting 服 務 。



FEEL'S
的 迫 力 皮 共 分 4 款 ， 由 Street （ 0 ℃ -450 ℃ ） 、 Sport （ 150 ℃ -650 ℃ ） 、
Evo （ 100 ℃ -650 ℃ ） 到 最 頂 級 的 Carbon （ 150 ℃ -750 ℃ ） 。

要 評 定 改 裝 車 勁 唔 勁 ， 夠 power 之 餘 仲 要 夠 好 ， 部 FEEL'S FD2 套 避 震 其 實 硬 硬 ， 不 過 用 在 鋪 裝 得 平 坦 的 日 本 街 道 卻 好 ， 就 算 行 過 凹 凸 不 平 的 壆 位 都 未 算 太 跳 ， 最 正 是 掟 街 坊 彎 部 車 連 輕 微 傾 側 都 冇 ， 大 膽 少 少 試
彎 心 大 油 「 篤 」 住 去 都 一 樣 冇 問 題 ， 加 上 FEEL'S 迫 力 皮 初 期 制 動 反 應 已 超 堅 ， 信
心 自 然 更 大 。 試 玩 了 大 半 個 鐘 ， 返 到 去 筆 者 更 玩 到 連 車 都 唔 願 落 ， 點 解 FEEL'S 宣
傳 唔 多 咁 多 年 都 一 樣 企 得 住 ， 亦 終 於 有 了 答 案 。
FEEL'S FD2 Tuning Spec.
引 擎 強 化
FEEL'S 行 車 電 腦 ︰ ¥ 105,000
FEEL'S 碳 纖 引 擎 ︰ ¥ 33,600
FEEL'S 蝴 蝶 掩 ︰ ¥ 73,500
FEEL'S 中 至 尾 死 氣 喉 ︰ ¥ 102,900
FEEL'S 催 化 ︰ ¥ 63,000

操 控 提 升
FEEL'S 2 層 式 銻 水 箱 ︰ ¥ 92,400
FEEL'S 上 下 水 喉 ︰ ¥ 23,100
FEEL'S 低 溫 水 膽 ︰ ¥ 9,450
FEEL'S 油 餅 ︰ ¥ 12,600
FEEL'S 絞 牙 避 震 ︰ ¥ 323,400
FEEL'S 迫 力 鋼 喉 ︰ ¥ 30,450
FEEL'S 迫 力 皮 ︰ ¥ 39,900

內 外 裝 備
FEEL'S 桶 型 座 椅 ︰ ¥ 86,100
FEEL'S 波 棍 頭 ︰ ¥ 18,900
FEEL'S 碳 纖 頭 ︰ ¥ 136,500
FEEL'S 碳 纖 尾 ︰ ¥ 99,785
FEEL'S 鬼 面 罩 ︰ ¥ 33,600
FEEL'S 燈 眉 ︰ ¥ 31,500
FEEL'S 沙 板 眉 ︰ ¥ 63,000
FEEL'S 碳 纖 尾 翼 ︰ ¥ 92,400
FEEL'S 尾 翼 擾 流 ︰ ¥ 46,200
FEEL'S 裙 腳 擾 流 ︰ ¥ 39,900
FEEL'S 尾 擋 風 玻 璃 擾 流 ︰ ¥ 63,000

極 之 友 善 的 椿 谷 千 春 先 生 ， 是 FEEL'S(HONDA TWINCAM) 的 創 辦 人 之 一 ， 今 次 便 是 多 得 他 才 可 以 順 利 完 成 拍 攝 。



和 其 他 日 本 改 裝 鋪 一 樣 ， FEEL'S 的 維 修 部 都 是 相 當 乾 淨 ， 所 有 工 具 都 放 得 整 整 齊 齊 。



雖 然 showroom 地 方 只 有 4 百 幾 呎 ， 但 環 境 也 特 別 舒 服 ， 採 訪 時 便 有 客 人 在 商 談 改 裝 事 宜 。



去 到 FEEL'S 位 於 2 樓 的 工 場 ， 正 有 一 部 外 形 改 得 勁 誇 的 尾 期 NSX 等 候 改 裝 。



Showroom 內 擺 放 了 各 式 各 樣 的 改 裝 零 件 ， 如 各 類 機 油 、 改 裝 表 板 及 引 擎 電 腦 等 等 。



直 踩 FEEL'S 基 地
現 時 FEEL'S 在 日 本 共 有 3 間 分 社 ， 除 了 我 們 今 次 採 訪 位 於 東 京 都 的 分 社 外 ， 在 橫
、 埼 玉 也 各 有 1 間 。 位 於 東 京 都 的 FEEL'S 裝 修 非 常 簡 潔 ， 比 起 港 式 多 招 牌 到 眼 花
的 改 裝 鋪 舒 服 100 倍 ， 廠 房 側 就 設 有 幾 個 客 人 停 車 位 ， 之 後 便 可 直 入 擺 滿 parts 及
鬥 車 獎 杯 的 showroom 。 全 個 地 方 氣 氛 都 似 足 屋 企 環 境 咁 輕 鬆 ， 而 全 個 3 層 式 廠 房
1 層 面 積 約 只 有 3 千 多 呎 ， 店 內 還 有 車 用 電 梯 ， 2 樓 及 天 台 就 擺 放 了 約 10 部 如
NSX 、 S2000 及 DC2 等 等 候 改 裝 的 車 輛 ， 廠 房 內 的 技 師 不 算 多 ， 當 日 只 見 約 4 個 師
傅 ， 但 全 部 都 好 仔 細 慢 慢 整 車 ， 工 具 排 得 整 整 齊 齊 ， 比 香 港 師 傅 有 條 理 N 倍 ， 難 怪
FEEL'S 可 以 改 到 咁 多 好 車 。
FEEL'S （ 東 京 分 社 ）
地 址 ： 東 京 都 杉 並 區 成 田 西 2-21-18
Tel ： 0480-38-3300