<Asia>Korea-Profile

<Asia>Korea-Profile · by alan200994 Sun Nov 09, 2008 4:46 pm

大韓民國（대한민국）係一個位處東北亞朝鮮半島南端嘅國家。西南面係黃海，東南係朝鮮海峽，東邊畀韓國嘅東海(日本海)包圍。北面隔著非軍事區與朝鮮民主主義人民共和國對峙。本來同朝鮮民主主義人民共和國係同一個國家，但脫離日本殖民統治之後，大韓民國喺1948年由原大韓民國暫時嘅政府國會議長李承晚立國，同朝鮮民主主義人民共和國分庭抗禮。
大韓民國簡稱韓國（한국），但係為咗同朝鮮民主主義人民共和國區別，韓國人叫佢哋嘅國家做南韓（남한）或韓國（한국），而朝鮮民主主義人民共和國就叫做北韓（북한）；朝鮮民主主義人民共和國人以前往往叫自己嘅國家做朝鮮（조선）或北朝鮮（북조선），同埋叫大韓民國做南朝鮮（남조선）。中華人民共和國喺未同韓國建交以前，叫大韓民國做「南朝鮮」，兩國建交之後，只改叫「韓國」。香港同台灣嘅中華民國成日習叫大韓民國做「韓國」或者「南韓」。日本又習慣叫大韓民國做「韓国」（かんこく），不過依家國內啲韓國人有要求改用韓語發音，唔用日本語嘅發音。
喺1990年代, 韓國嘅娛樂圈已經變到好發達，響音樂、電視同埋電影響亞洲創下無比嘅成功。呢個現象叫做“韓流”。但係，韓國重好保留佢哋啲古老傳統文化，尤其係敬祖同埋敬茶。

地理

韓國位於喺朝鮮半島南部。朝鮮半島又係喺亞洲大陸嘅東北部，自北向南延伸，全長有1,100公里。韓國嘅鄰海同埋太平洋最西部嘅海域一起交匯。

宗教

自古以來，韓族人係信仰佢哋嘅沙文教。佛教喺第四世紀由中國傳到韓國，至今有25.3%嘅國人信奉。18世紀啲咸毛人通過由中國傳到韓國嘅天主教如今有10%嘅國人信奉，同埋20%嘅國人信奉喺20世紀由美國傳嚟嘅基督教。